SiMon:)

累到手都舉不起，但都想記下今天一個特別的日子。

今天同Carol and Phoebe and their fd and their fds' fd and their fds' fds' fd....(好煩！)去海洋公園。

這是玩得最辛苦的一次，人多﹑又熱﹑仲落大雨！在海洋館發生鼓譟事件！最後要赤腳由緊急出路逃生！(俾錢都玩唔到！)

雖然我冇玩夏水禮，但影到好多一張又一張的歡笑臉！正！！




















嚴重推介園內的"加勒比超級騷"！十分精彩！完全被台上一班舞蹈演員的熱情和笑容所吸引！







































小插曲︰
玩越礦飛車時，一名外籍肥胖男子及另一名身材略瘦男孩坐在我的後排，上車，安全欄柵徐徐落下，突然聽見身後傳來呻吟悲叫~~"救命呀！~~~頂住左佢肚腩呀~~~好鬆呀~~~~~~~啊~~~~~~~點算呀？~~~~~~~~~~~" 越礦飛車飛快駛出，男孩經歷了人生最難忘的三分鐘！

一班舊同事相約食飯，話說某同事生日同慶祝順便~~聚舊，因上一次已經失約所以今次不能再推...

不想去的原因︰
1)一向不喜歡"搭單活動"，究竟是慶祝生日還是聚舊？
2)同生日果位唔太熟，又話同佢慶祝...又要夾錢請佢食飯...又要洗錢...(攝影令我變得好窮...)
3)最近都好疲累想點回家休息

結果...原來餐飯有一半都係為左同我慶祝生日，唔使我俾錢，倒頭反而是有幾個唔太熟的舊同事請我食飯...有點慚愧，估唔到佢地仲會同我慶祝。

我是一個好少會記得別人生日的人，所以別人記得我生日，反而覺得欠了別人一些...

最近的病情越見嚴重，始終心病還需心藥醫，解鈴還須繫鈴人...

我喜歡同女仔溝通，因為身邊太多男人...
我喜歡同女仔食飯，因為餐餐都同男人食...
我盡可能會keep 住我要好的女仔朋友，因為我已放棄太多男性朋友...
不是說同男性朋友一齊不好玩，但有時太多太多我寧可自己一個玩...
都是自己衰...有異性冇人性...

我從不看書，但書展總會買一本區樂民回家，其中有一句︰生命本無常，活著就是恩賜。心情頓時平伏了一點...

又一個年頭，人是大了，心境未變。

忘記是多少年前，難得今天一家人再一次到海洋公園，是值得紀念的，雖然我已不是小朋友，雖然老爸老媽己不太敢玩刺激機動遊戲，雖然不是同朋友或情人同遊，感覺平靜但還是開心的。

整天收到好幾個朋友﹑同事的來電道賀，唔過生日都唔知都有不少人會記念我，好感動，慚愧自己卻甚少記得別人的生日，或是將太多以前一起讀書工作的朋友遺忘，太少時間想做太多的事...所以只想把最多的時間留給喜歡的人和事...

我的生日願望...希望可以重拾人生的目標，不論人和事業。

下午回到科大攝影，第一次跟其餘四個攝影朋友同場，十分愉快， 希望是個好開始！

晚上跟Fanny食飯，有禮物啦有麵包湯啦海鮮焗飯啦大凍檸茶啦芝士蛋糕啦仲有生日歌...估唔到仲會有人咁樣和我慶祝生日，樣我感受到生日的氣氛，真的十分多謝你啊Fanny~~希望你唔好將D唔開心既野收埋唔同人講，其實你的朋友都好樂意同你分擔的！

**其實琴晚都有Carol同Phoebe 同我慶祝架~~我冇忘記架~~琴晚都有睇戲啦棒棒雞啦蕃茄肉丸意粉啦同好大碟Pizza啦，一樣好多謝你地兩個架！**

雖然朋友唔多，但有你們幾個已經足夠了...

無心插柳柳成蔭，有些事情，慢慢在醞釀。

不 知不覺間攝影多了幾位同伴，星期天的活動過後，大家都同樣想組成一Team人，一Team 攝影人，很快地，第一個私影活動將要籌備好了！同一時間，其中一位member Marco 接到一份工作，就是幫他的幾位女同事拍一輯寫真！事有湊巧，像早已安排妥當，我們幾個負責攝影，阿王與partner搞後製，我又安排了一個影會識的化妝 師，一班並不專業的傢伙，似是做著一些專業的事...

忽然間，果真有點像金牌經理人，約model啦，約化妝啦，約人約地點啦，感覺有點像大學時做Group Project，很久未試過一日收那麼多email和覆email，忙忙碌碌又一個晚上，但做得比日抖返工還要起勁！^___^;

沒想到，除了攝影，還有其他。