SiMon:)

2009 12月尾升了，試試寫寫近況：

**補發**

29.11.2009, 是好友阿許的大婚日子，當然我唔會錯過為好友拍攝的機會！

照舊前一晚訓得唔好，每次影結婚前一晚都會咁，好驚唔知醒...

由於要做兄弟，著老西，又拿住一大袋相機...=_= 都幾呢hea~

一度影影影，今次請來的影師同viedo man都係口水佬，氣氛都搞得幾好，福哥更加乙水到D姊妹好開心 (我都要好好學習下！) 不過就成日走過黎煩住我...

始終影得唔係好專心，整天唔算有太多靚相，好彩還有一張...哩張我自己都幾滿意！真的，一張值得回味的好相，勝過千言萬語，再辛苦都係值得的！

講返同阿許既交情，由中二開始，幾時開始熟就忘記了，但肯定是打羽毛球開始，最記得是阿許的神力，一拍打斷了球拍，讀書勁記性超強，一個人食香茅豬排飯加飯，同遲到大王(但依家已經好守時了！good!)

其實有件事我一直耿耿於懷，就係冇去到參加阿許的律師執業典禮，原因就只係我星期六上午要返工...我當時唔知係咪好忙，沒有想清楚...沒有分輕重...就為了一天的假期而錯過了幫好朋友畢業的大日子幫他影相...我覺得我有時做決定真係太過草率...我只可以話我係嚴重疏忽了整件事...但事已過去，再也不能返轉頭，亦希望我會更加珍惜現在同將來...

許，我朋友唔多，你肯定是我的其中一個！有咩幫手即管出聲OK? 祝 新婚快樂！

如果你現在在看這篇日記，首先要多謝你！多謝你對我的日記感興趣，多謝你對我的事感興趣，我實在太需要像你這個對我的事感興趣的朋友了！

是我不好，最近越來越覺得...不知何時開始自己像對身邊發生的事，身邊的人都莫不關心...我明白，亦好同意，如果我再對其他的人沒興趣，別人都只會對我一樣...我真的不知自己為何變成這樣？是獅子座的自我中心？是香港的推銷電話太多令我多餘的事害怕了？我真的不想這樣...]

最近都很忙...很多人找我幫手影相...我常自問...如果我不會影相，還會有人找我嗎？

我是一個機器人...