SiMon:)

同事甲問：如果俾一份工你，有經理級的人工，做的只是簽文件，其他就什麼都不用做，你做嗎? 同事乙LUR飯應道︰好! 死都做!
同事丙卻搖頭說︰我唔做，一定會好悶，都唔知自己做過D乜，毫無意義。
同事甲、乙笑說︰你仲有個HEART!~工作要有挑戰，好！我地就冇啦，有錢的話即刻退休都得! (卡卡卡......)

究竟做人為左D咩? 為左舒舒服服，衣食無憂，食得訓得就可以?! 咁同其他一般動物只求生存有何分別? 都有既，佢地仲識去玩去自娛。

我唔覺得做人應該做到咁，我唔想到我七老八十回顧返自己過去原來除左去玩去食之外，其他什麼都沒有做過，好廢！可能我是一個重回憶，重過程的人，結果是怎樣，好多時都好難預計，但中間的每一個片段，就是自己去掌握，這是我的看法。