SiMon:)

影相的機會陸續有來。

今天是教會朋友的婚禮，由於上一份工給我練得一手好車，今天我負責做司機，一早便去接新娘及其家人。

姊妹甲：Simon呀﹗你有冇帶相機呀？
我：有呀﹗我泊緊車，等陣講...
姊妹甲：陣間可能要你幫手影相呀，原本安排的攝影師臨時黎唔到呀﹗
我：當然冇問題啦﹗(超下巴輕輕...)

之後再問清楚，真係好似得我一個負責影相...大鑊﹗那麼大責任點負呀...結婚那麼大件事，點可以給我這個攝影初哥擔大旗?! 哎...只好豁出去了﹗

趁婚禮未開始，不斷試影場地試影弟兄姊妹甲乙丙丁，務求得到最佳效果...

姊妹乙：Simon乜你影相都得架？﹗
我：玩下姐﹗
姊妹丙：好叻呀﹗
我：哈哈......(由於我打羽球的形象太深入民心)

突然出現一名生面口的人拿著專業相機過來，原來沒來的是教會朋友，外面請的攝影師還是有的，放下心頭大石，繼續充當副手拍照，果然，拍"live"的function比拍不動的風景更難，仍是有待磨練。