SiMon:)

一個寧靜的早上，面對著一個零亂的房間，心中戚戚然...

晚上跟久未露面的阿許食飯，得知阿許甚是忙碌，不是工作，而是陪女友。一臉倦容，再加一臉愁容，似乎拍拖果真有苦有甜。

許：其實我地差唔多一星期日日都見，有時放工真係想抖下，佢又想等埋我一齊食，OK，佢都係緊張我想見我，一齊食飯見下無所謂，但真係唔好出到黎又有咁多埋怨，又話做乜個樣咁倦又唔出聲，係咪唔想見到我？﹗三兩句唔埋又話唔緊張我，唔想見就唔好見囉﹗係公司做左一日野已經好倦，真係唔想出到黎又鬧交，其實我已經好就佢，係佢睇唔到又唔識欣賞，哎...

果真，相愛很難，各有各的期望，各有各的立場，聽了阿許的case，我會覺得又是缺乏良好的溝通做成，是許的女友不願打開溝通之門，下下都：見倦唔想見就咪見囉﹗根本無商討的餘地，問題當然不能解決。

以上都是聽許's 話之後的見解，未必是事實之全部，家家有本難念的經，只願他們能早日明白及體諒對方。